قصيدة ما بنصوت .. دعوة لمقاطعة الانتخابات السودانية

يستمر الناشطون السياسيون هذه الأيام في الدعوة لمقاطعة انتخابات رئاسة الجمهورية وقد قام أحد الشعراء بكتابة هذه القصيدة (ما بنصوّت)

مابنصوت

لي مرشح همو يلفح ..

لي دقن من فوقا ملفح ..

لي أذية وجبهجية .. 

لي ذريعة ولي فديعة ولي ملاعين الشرعية .. 

نحن غايتو محال نصوت ..
لحظة ياحاج يامزارع ..

قبل ماتصوت تذكر

انت ليك سنين موكر

من قبل ما تجيب التركتر ..

الضرائب الايصالات القبائل والنفايات والغبائن ..

من تقاتك العمارات في المدائن. . 

تشقي انت ويلقي غيرك .. 

لو تصوت تبقي خائن ..

ياموظف يامنزه ... 

انت طول عمرك مجهجه .. 

الرواتب والمراتب .. 

أوع من زيف المناصب ..
يامواطن وين محل ماتبقي ساكن

 أذكر الغلا والمعيشة ..

 أذكر الذل والنبيشة ...
دخلونا علي الجوامع

ودخلو الباقي الكنيسة

وقالو اللي يجينا عيسي ...

توهونا وجهجهونا والشرع حملات مريسة ...

 فرمطونا ومرمطونا وشيخنا لما الهردبيسة

ومن فتاويهو الحديثة مابينزل تاني عيسي

 أسألونا وخيرونا الانتخابات ولا عيسي !!!

نحن غايتو مجربنك 

وهسي زاتنا قنعنا منك 

ومابنصوت لي مليشة 

مابنصوت ... مابنصوت ...