مقولات سودانية ساخرة : من أقوال الحاج سنوب

أقوال ساخرة من صفحة الحاج سنوب على موقع التواصل الاجتماعي فيس بوك

__________

إذا رأيت السوداني مبتسم في الصباح الباكر إتصل بهيئة مكافحة المخدرات فورا

إذا عاوز المرأة تركز معاك في كلامك فقد ابدأ بجملة (ياريت الكلام دة ما يطلع من هنا)

وممكن تتوفى دماغياً من شدة التركيز

لو البلد دي فهيا خير ما كان ربطو كوز الموية بالزير

الواتساب عامل زي التلاجة

مافي شئ جديد بس لازم تفتحو كل دقيقة

قال حكيم كدة :

إياك أن تصاحب الكذاب والأحمق والظالم والبخيل والعاصي والنذل والخبل والمريض.

* معناهو ماف أصحاب في السودان

قبل ما تفضفض لي زول ... تأكد إنك ماسك عليه كم ذلة

* من باب الأمان

الشعب السوداني إذا ما جات مطر بقولوا دي كترة ذنوبنا .. وإذا جات مطر بيقولوا دة غضب ربنا علينا

شعب شاكي في روحو ليل ونهار

لو في زول خدعك فهو #حقير

ولو خدعك مرة ثانية فهو #أحقر

وإذا خدعك مرة ثالثة ...

فأنت #حمار الصراحة

في العيد نرسل لجيرانا لحم ويرسلو لنا من لحمهم ونرسل لحيرانا الثانيين لحم جيرانا الأوائل ويرجع لنا بلحمنا ..

* عملية غسيل لحوم

فقط في السودان .. الأولاد أغلبهم سينقل والبنات كلهم مرتبطات ..

كيف ! ما تسألني

بتبكي وتتجرس لو ضاع ولدا .. وأول ما تبقلاهو بتكفتو

* أعتقد ما يحتاج أقول الجنسية

الضحك بلا سبب معناتا شربوتك بقى كعب !

الشعب السوداني لا يتقدم إلا في السن

(هو شاطر والله بس ما قاعد يقرا) جملة تستعين بها الأم السودانية لتهريب ابنها من قائمة الحمير

لما يجي زول ويطلب منك شاحن ابرة كبيرة بتحس إنه طلب بيضة ديناصور

جاجتين بنسمع عنهم وما بنشوفهم ! الجن والعيدية

سألني أحدهم : الزول بحس بـ شنو لمن يعرس ؟!

فأخذت منه تلفونو ومسحت كل الأغاني وخليت ليه واحدة بس !

في ناس في حياتنا زي الصابونة في الأول بتكون كبيرة في عيونا ومع الوقت تصغر تصغر تصغر لحدي ما تختفي !

الرياضة الوحيدة الـ نحن مشهورين بيها هي الركض وراء لقمة العيش

لا تتخلى عن حلمك خليك نايم وكملو

وعندما يطرق الحب باب قلبك لا تفتح بسرعة

لأنه في ناس بتدق الباب وتجري

لا تقارن حبيبتك بامرأة أخرى .. قد تكون الأخرى وردة ولكن يشمها الجميع .. فارضى بالبصلة العندك وخليك ساكت

عزيزي المتزوج إذا تزوجت زوجة واحدة "بتتشاكل معاك" وإذا اتزوجت 4 نسوان "بتشاكلو عشانك" .. فكر فيها وانت الكسبان والله يقدرني على فعل الخير

أبو جهل لو رجع لدفن البنات .. كان دفن اولاد كتار بالغلط

في ناس زي اللبانة .. في البداية بكونو حلوين وبعداك بمسخو !

عاوز تعيش صح .. خليك غبي بطريقة ذكية

الحقارة مراحل بس في ناس خاتمين اللعبة

الواحد ممكن يستحمل أي فشي ف حياتو .. إلا فشل الاتصال بالانترنت

في ناس على الحلوة معاك وعلى المرة الله معاك

يزداد حب البنات للرجل كلما زادت قوة محرك سيارته

لا تستخف بالبنت القصيرة فالسنافر هزمو شرشبيل

إذا طعنك صديقة في الظهر .. أطعنوا بالعصر

الشطارة ما إنك تخش الجامعة ! الشطارة إنك تتخرج منها

شعور إنك تمسح حاجة من تلفونك عشان تفضي الذاكرة عامل زي لما تقتل ولد من اولادك عشان ما قادر تاكلو !

أكبر دليل على إنك حظك زي الزفت الأربعين البشبهوك متوزعين في أنحاء العالم وانت في السودان

عزيزي الفرج بيقولوا الصبر مفتاحك ! انت غيرت الكالون ولا شنو يا أصلي ؟!!

كل شئ بالعقل إلا الامتحان بالنقل

أصعب أنواع الانتظار هو انتظار مروحة التربيزة تلف وترجع عندك

كن رجلاً .. لأن المرأة ليست بحاجة لمن يشاركها انوثتها

معنى الأمومة : جلوسك مع تلفونك وهو بيشحن

السوداني إذا قال جملة (مع احترامي ليك) فتأكد إن الكلام البعدو غير محترم

لو كان في وايرلس في الجامع كان لقينا واحد كاتب لينا على الفيس في صلاة المغرب "يشعر بالخشوع"

الطريقة السودانية لكي تجعل النائم يستيقظ " قوم قوم سريع تلفونك اتسرق"

أول طريق للنجاح في بلدنا هو الطريق نحو المطار

النسوان في البيت رجليها وضهرها بيوجعوها ولو مشت السوق بتحس بيها كرستيانو رونالد وفي هجمة مرتدة

نوعين من الونسة مستحيل السودانيين يقاطعوك فيهم : ونسة عن الجن .. ونسة فيها قلة أدب

جون سينا الوجه الرسمي للـ WWE ولمحلات المدايد في السودان

الحياة زي الجزمة مرة في كراعك ومرة في وشك

الحاجات الحلوة بتجي بالتقسيط إلا المصايب بتجي كاش

من مميزات البنت القصيرة لو وقع تلفونها ما بتكسر

هل تعلم أن عقوبة تعدد الزوجات هي تعدد الحموات

كائن مستحيل يسكت مهما فعلت ..! بت راجعة من بيت العرس

في ناس لازم تاكل تسالي وانت بتتكلم معاهم عشان ما يظهر إنك بتتف عليهم

مستني شنو من شعب بفتش في الإمام البصلي اسرع في صلاة الجمعة

عارف احساس لمن تكون مستني واحد يكلمك وتجري على التلفون على أساس إنه هو وتلقى واحد تاني !! إحساس زبالة .. يخيلك تتكلم بقرف مع الغلبان العبرك

الحيوان اتعلم حاجات كتيرة من الانسان .. لكن الانسان طلع اذكى منه واتعلم الحيونة

تلاتة حاجات لو مشو تاني ما برجعو .. العمر ، والحب ، وتحويل الرصيد بالغلط

لا يولد الناس أغبياء بل جهلاء ثم يجعلهم التعليم أغبياء

كلما رأيت خطي في الكتابة زاد أمي في أن أصبح طبيباً

فقط في الامتحانات تصبح الحيط منظر طبيعي

حقيقة علمية .. جاذبي المخدة من 6 إلى 7:30 أقوة من جاذبية الكرة الأرضية