استطلاع : ماذا لو دعت نساء الشمال لاعتزال الرجال لوقف الاحتراب السياسي ؟

حملت الأخبار في الأيام السابقة نبأ دعوة نحو 90 امرأة من جنوب السودان بينهن برلمانيات للإضراب عن معاشرة الأزواج إلى أن يعود السلام

وعلى خلفية هذا النبأ قام أحد الصحفيين بإجراء استطلاع طريف على صفحته بموقع التواصل الاجتماعي فيس بوك حول امكانية تنفيذ هذه الفكرة بالشمال فتباينت ردود أفعال المشاركين ولكن المحصلة النهائية كانت فشل الفكرة

أدناه نص المنشور :

فكرة أنثوية !!
نساء جنوب السودان تسري بينهن دعوة - هذه الأيام - لـ(اعتزال) الرجال كوسيلة من وسائل الضغط لوقف الحرب..
فماذا لو انطلقت دعوة مماثلة في الشمال من أجل الضغط على رموز الحكم والمعارضة معاً لوقف حالة الاحتراب السياسي التي تطاولت سنواتها لربع قرن من الزمان ؟!..
(أهو) فكرة أُنثوية تستحق أن تجد حظها من التجريب بعد أن جُربت كل الوسائل الذكورية الأخرى..
ولكن أخشى ما أخشاه أن تكون ردة الفعل (الحمد لله اللي جات منكن !!!).

وهذه بعض الآراء :

• خليهم يعتزلوا هم ونحن بنجيب محترفين أجانب .. حبش ومغاربة وسوريين من البحبهم قلبك
  
• اخشى ان يقوم قطاع استيراد اناث وتتخصص فيه الشركات الصينية
  
• بيني وبينك ح يكون الرد الحمدلله الجات منكن
  
• بعدين ما تنسوا موضوع راجل المره والتانيه والثالثة والرابعه .يعني الاولي لو اعتصمت تجئ غيرها طوالي
  
• هذا النوع من الاضرابات نفذ في اليابان و ليبريا وسيراليون لانو المجتمع واعي ومتحضر لكن عندنا هنا قد نحتاج لتحديد آلية مراقبة لهذا الاضراب وقياس مدى الالتزام وكدا خخخ
  
• هههههه كدا ما عصرت علينا شديييد يا استاذ مافي خيارات تانية. ..
  
• المهم رأي شيخ حسبو
  
• يا استاذي الجميل
  انت عارف مع ال stress والغذاء غير المتنوع والمكتمل بقينا نحتاج لمكملات غذائية (وغير غذائية )
• وكلك نظر !!!!!
  صدقني رجال كتار يعتزلوا العمل
  ويقولوا ام جركم ما بتاكل درتين
• 
  
• يا أستاذ / بي لغة الكورة اللاعب ممكن يعتزل اللعب مع منتخب بلده لكن ممكن عاااااادي يواااااااصل اللعب مع ناديه الحالي / الضمان شنووووو إنو نسوانا يعملن كده !! غايتو أنا بتمني إنو ما يحصل كده ....
  
• عندنا واحد بشتكي من تعب الدوام قال يوم الخميس بقيت اضرب لاخوان المرة اقول ليهم تعالو بيتو معانا نعمل ليكم بكرة ملوحة..ههههههههه
  
• ههههههه اكيد حتكون ردة الفعل كما قلت
  
• دي فرصه اي زول داير يتزوج في مرتو لقي سبب وجيه
  
• نسوان الجنوب ليهن حق..الرجال هناك ضاربين البافرا والقورو..اما نويسات البندر ديل والله كايسين لي سبب زي ده كواسة شديدة..غايتو ان مشن عملنها والله تاني مجلس الامن ومجلس الشيوخ والجامعة العربية والاتحاد الافريقي لو اتحدو عشان يرجعو سي السيد ينوم جوة بيتو مايقدرو..
  يا استاذ النوم في العسل بقي هو الصفة السائدة ومن خالف ذلك هو الشاذ!!!!
• 
  
• والله ماشالله أفكار باريسية عدييييل الجنوب أتطور شديد/ معارضتنا منتظره الشعب يطلع الشارع عشان تلقاها بارده !!!!
  
• ظاهر الجنوبيات مابيحبوا الكلام الكتير ماعندم وزراء علي شاكله أكلوا ضفاضع غسلوا عيونكم والحسوا كوعكم .... كان اشوفونا صابرين نصف قرن وبضع شهور هههههههه عفيت منهم والله زكروني بالاعلاميه أوبرا وينفري بأفكار سبااقه ومبتكرة
  
• فكرة حلوة بس خايف كل يوم واحدة تقول يا سيدي الحسن موديني وين؟؟
  
• فكرة .... خطيرة استاذ ..... والاخطر منها ..... رد الفعل المتوقع ......... ههههههههههههههههههههههههههههههههههههههه
  
• زوجات منو لكن ؟!!!!! الا تروح عليهم آخر ما تبقى لهم من متاع الدنيا !!!!
  
• سيطرة المؤسسة الذكورية على انثى الشمال الايدلوجى تمنع حدوث ذلك ولأن امرأة الشمال الايدلوجى هى اول امرأة فى الدنيا تستطيع ان تبقى على جمرة الدخان ساعتين لتلبية حاجات الذكر ...
  
• ساسة الإنقاذ سيلجأون الى إحتياطيهم من العشيقات !!
  
• ههههههههه الخوف يمتنعن حﻻﻻ ويفطرن على غيره . تاباها مملحه وتاكلها قروض .
  دي اللكه .
  
• المشكلة تبقى حرب داخل غرف النوم بين الرجال والنساء
  
• في حديث أبي هريرة رضي الله عنه عن النبي صلى الله عليه وسلم قال : إذا دَعَا الرَّجُل امرأته إلى فِراشه فأبَتْ أن تَجيء لَعنتها الملائكة حتى تُصْبِح . رواه البخاري ومسلم .
  وفي رواية لمسلم : إذا بَاتَتِ المرأة هاجِرة فِراش زَوجها لَعَنتها الملائكة حتى تُصْبِح .
  وفي رواية لمسلم أيضا : والذي نفسي بيده ما مِن رَجُل يَدعو امْرأته إلى فِراشها فتأبي عليه إلاّ كان الذي في السّماء سَاخِطًا عليها حتى يَرضى عنها.
   دا دين والدين ما فيهو لعب،، بعدين هل أصبح الجنوب قدوة لك حتي تتمثل بهم،، مالك عايزنا نغير رأينا فيك