محمد الحسن أبنعوف يرد: (داير كم عشان تنطم؟).. (داير دم)

الشاعر محمد الحسن ابنعوف

(حريات في 23 /8/201:مواقع التواصل الاجتماعي) تبادل مستخدموا الشبكات الاجتماعية مقطعا جيدا  لرد الشاعر محمد الحسن أبنعوف  بعنوان "داير كم" يرد فيه على مساومة جهاز الامن الوطني والمخابرات السوداني له لكي يسكت (ينطم).

              ....    داير كم   ....
داير كم من اﻻخر كدة جاهزين
 ندفع ليك عشان تنطم ...
           قول داير كم ...
       لساتك شاب ...
      والفقر عذاب ...
فى البنك الخزنة وفى الدوﻻب ....
         قول ما تهتم ....
         قول داير كم ...
      عربية وبيت ......
         بت ناس نديك ...
مشروع يغنيك من شيلة الهم ....
       اتكلم قول
        قول داير كم .......
         قول داير كم .....
        مالك بالطير ......
        وحقوق الغير .....
       اسمعنا اخير .....
  قبالك كم من سيف بتار
 سينالو جفير .....
         ديل شعب وهم ....
       قول داير كم .....
          منصب نديك .....
        والدنيا تجيك .....
  ﻻ تنبح ساى زى نبحى الديك ...
  وحنحلف ليك بالسترة
  قسم .......
      قول داير كم .......
         داير كم .....

        انا داير كم ...؟؟
     انا داير كم
   الدايرو كتييييييير
  علشان انطم ...

********
يا اوﻻد الدرهم والدينار ...
      انا ما ود رشوة .....
     انا ما ود شينة ....
       و ﻻ ود عار ......
            انا
  ود الدنقر والدلوكة ....
  ود النوبة وود الطار .....
انا ود البرزم فى الضحوية
 وساعة العركة مخلف وحاااار ....
        انا ود السيف
       الهبرو شلية
      ود السوط
      البقلى قلية
 ود البكلح فى الضهار ......
   ود العز الما سمعتوبو
         ود الشعب
      البقدح نار ........

  ********
         انا داير كم ...؟؟؟
      انا داير شعب
      يثور ويصارع
       انا داير امة
       تعبى الشارع
       عشان الفضل
        ما ينهار ......
     مال الشارع الغربى
     وناس خط هيثرو
      ومشروع سندس
      واب كرشوﻻ
      الراحت سنبلة
       بين القائد والتجار ....
           انا داير تار
    تار الماتن فى المستشفى
      عشان القسطرة
         ما مجان .......
             تار الهاجر
      قفى عقابو
   عشان ﻻ واسطة وﻻ سلطان ......
           تار الخلا المدرسة
         شاااااااااااااااطر
     شان ما يربى
      تمانية اخوان ......
              تار النخل
            القلد الموية
  عشان وطاتو تكون خزان
               والخزان
         بقى ما خزان ........
           تار ام دوم
          وحلايب
             تارى
      ام روابة وتار قيسان .......
       تار الشهد اء
         الدم الطاهر
         دم القسمك
           يا سودان .......
   تار الصمغ العربى الثروة
     تار السكر واﻻقطان ......
              تار الترعة
           وتار الجدول
           تار الصحراء
           وتار الغابة
    تار المشنقة والميدان .......
        تار البلد الكلو حرابة
       وكل وطاتو
            تبق نيران ......
           تار الجامع
           وتار الخلوة
           تار الشفع
            والنسوان .......
     تار لمتنا على الصينية
            وتار المضيفة
           والديوان ......
           ** داير كم **
شوف ديل بى كم .....
         قول يا ود خيرى
           اتكلم قول
          انا داير كم ......
            انا داير عز
           لى وطن العز ......
         ممهور بالدم ....
               وعدالة
        تخوجل بين الناس
                وحفيرة
           ودونكى
            ومنبر نم ......
             انا داير كم
                 انا داير
            مدرسة للإطفال
               ومصانع
         تنبح للعمال
            تيراب وترتر
               للتربال
    انا داير جيش جبااااااار واصم ....
انا داير مجلس للنواب
      مجلس حاساب
       ووزير بفهم .........
          انا داير مسكن للطلاب
         انا داير قاعة
               ودفتر
                   وﻻب ........
         شوف ديل بى كم
       حنجيب قانون
         احكم بالعدل
      العين بالعين والسن بالسن
           الدم بالدم
              لو ﻻزم دم
         انا داير دم .......