ﺭﺋﻴﺲ ﺍﻟﺒﻠﺪ ﻭﻳﻨﻮ ؟
'
ﻻ ﺑﺎﻥ ﻭﻻ ﻃﻠﻪ
ﻻ ﺟﺎﻧﺎ ﻳﺘﻔﻘﺪ
ﻻ ﺯﺍﺭﻧﺎ ﻓﻲ ﺍﻟﺤﻠﻪ
ﻻ ﺷﺎﻑ ﻭﻗﻊ ﻛﻢ ﺑﻴﺖ
ﻻ ﺟﺎﺏ ﻃﺤﻴﻦ ﻻ ﺯﻳﺖ
ﻻ ﻛﻔﻦ ﺍﻟﻤﻴﺘﻴﻦ
ﺍﻟﻤﺎﺗﻮ ﺟﻮﺍ ﺍﻟﺴﻴﻞ
ﻻ ﺟﺎﺑﻠﻮ ﻃﻮﺭﻳﺎﺳﺎﻋﺪﻧﺎ ﺷﺪ ﺍﻟﺤﻴﻞ
ﻭﺃﺻﺒﺤﻨﺎ ﻧﺺ ﺍﻟﻠﻴﻞ
ﻣﺎ ﺟﺎﻧﺎ ﻣﻨﻚ ﺯﻭﻝ
ﻭﻻ ﻃﻠﻪ ﻣﻨﻚ ﺯﻭﻝ
ﻓﺎﻃﺮ ﻓﻲ ﻛﺎﻓﻮﺭﻱ
ﻭﺷﻌﺒﻚ ﻓﻄﻮﺭﻭ ﺃﻧﻴﻦ
ﻧﺎﻳﻢ ﻭﺗﺘﻘﻠﺐ
ﻭﺷﻔﻊ ﻛﺘﺎﺭ ﺻﺎﺣﻴﻴﻦ
ﻣﺘﻮﺳﺪ ﺍﻟﻤﻮﻛﻴﺖ
ﻭﺷﻌﺒﻚ ﺭﻗﺪ ﻓﻲ ﺍﻟﻄﻴﻦ
ﻻﻙ ﺍﻟﺒﻔﺮﺝ ﺍﻟﻬﻢ
ﻭﻻﻙ ﺍﻟﻌﻠﻴﻨﺎ ﺃﻣﻴﻦ
ﻭﻻﻙ ﺍﻟﺒﺠﻴﺮ ﻣﻈﻠﻮﻡ
ﺳﺎﻋﺔ ﺗﺪﻭﺭﺑﻮ ﺳﻨﻴﻦ
ﻻ ﺑﺘﻨﺠﺪ ﺍﻟﻤﺴﻜﻴﻦ
ﻻﻙ ﺍﻟﻌﻠﻴﻨﺎ ﺣﻨﻴﻦ
ﻫﺴﻪ ﺃﻛﺎﻥ ﺗﺼﻮﻳﺖ
ﺃﻭ ﺣﺘﻰ ﺍﻧﺘﺨﺎﺑﺎﺕ
ﻛﺎﻥ ﺟﻴﺘﻨﺎ ﺗﺘﺮﻗﺺ
ﺗﻘﺪﻝ ﻣﻊ ﺍﻟﺨﺎﻳﺒﺎﺕ
ﺧﺎﻣﻴﻬﺎ ﻣﻠﻴﺎﺭﺍﺕ
ﻭﺭﺍﻛﺒﻬﺎ ﻋﺮﺑﻴﺎﺕ
ﻭﻋﺎﺩﻳﻬﺎ ﺳﻔﺮﻳﺎﺕ
ﻋﺼﺎﺑﺔ ﺷﻠﻠﻴﺎﺕ
ﻭﻧﺤﻦ ﻟﻴﻨﺎ ﺍﻟﻠﻪ
ﻋﺎﺩﻧﻬﺎ ﺑﺲ ﺑﻜﻴﺎﺕ
ﻻ ﻋﻼﺝ ﻭﻻﺗﻌﻠﻴﻢ
ﻻ ﺳﻜﻨﻪ ﺯﻱ ﺍﻟﻨﺎﺱ
ﺃﺣﻼﻣﻨﺎ ﺯﻱ ﺭﻛﺸﺎﺕ
ﻭﺳﺎﻛﺎﻧﺎ ﺩﻭﻡ ﻛﺸﺎﺕ
ﻻ ﻗﺮﻭﺵ ﻭﻻ ﻛﺎﺷﺎﺕ
ﺷﻌﺒﻚ ﻣﺮﻕ ﺑﻠﺒﻮﺹ
ﻻ ﺧﻠﻘﻪ ﻻ ﺃﺧﻼﻕ
ﻻ ﻋﻤﻪ ﻻ ﻣﺮﻛﻮﺏ
ﻻ ﻟﺤﻤﺔ ﻻ ﻃﺎﻳﻮﻕ
ﺷﻌﺒﻚ ﻣﺮﻕ ﻣﺎﻳﻨﺺ
ﻭﺣﺸﺎﻫﻮ ﺩﻭﻡ ﻣﺤﺮﻭﻕ
ﺻﺎﺑﺮ ﻭﻋﺎﻳﺶ ﺍﻟﻮﻳﻞ
ﻣﺎ ﻧﺼﻮ ﻓﻲ ﺍﻟﻐﺮﺑﺔ
ﻭﺍﻟﺒﺎﻗﻲ ﺷﺎﻟﻮ ﺍﻟﺴﻴﻞ
'
ﺭﺋﻴﺲ ﺍﻟﺒﻠﺪ ﻭﻳﻨﻮ ؟
إرسال تعليق